Chuvash.Org :: Пичет версиĕ :: Атăл урлă каçсан, ăс кĕрет
Чăваш этнорадиостанцине сирĕн пулăшу кирлĕ.
Ĕлĕк-авал икĕ çулçӳрекенĕн лашапа Атăл урлă каçмалла пулнă. Тин ларнă пăр пĕр тĕлте яп-яка шăнна, унта лаши ури тытман, пырса кĕнĕ-кĕмен шуса ӳкнĕ.
— Мĕн тăвăпăр? — тенĕ пĕр çулçӳрекенĕ теприне.
— Нимех те мар, лашана чĕлпĕрпе çыхăпăр та сĕтĕрсе каçăпăр, — тенĕ лешĕ.
Каланă та ĕçне те тунă. Вĕсем пăр çине шаплатса ӳкнĕ лашана чĕлпĕрпе çыхса çыран хĕррине сĕтĕрсе тухнă. Анчах лаша тирĕ, пăр çинче шуса пырса, юн тухичченех шăйăрăлнă иккен.
— Эх! — тесе каларĕ, тет, вара хай çулçӳрекен, ĕнсине хыçса. — Куна пĕлнĕ пулсан, лашана хуп çине хурса каçармаллаччĕ пирĕн.
— Çаплаччĕ те. Малтан эпир Атăл урлă каçман-çке, — терĕ, тет, тепри.
Тěп страницă
Тулли верси :: Статья ссылки